Регистрация
Ыччат форумугар тиксиилэр күннээтилэр
2017-04-250276Эдэр ыччат форумаӨрөбүллэргэ эдэр ыччат форумун чэрчитинэн Тиксиигэ спорт уонна күүлэй күрэхтэрэ буолан аастылар. Улуус ыччата улуустааҕы дьаһалта дьиэтин утары Кыайыы болуоссатыгар ураһалары тардан, киэргэтэн туруорда. Түһүлгэҕэ мустубут дьону, форум кыттыылаахтарын, эдэрдэри, ыалдьыттары улуус баһылыга Игорь Кудряшов, тэрийээччилэр эҕэрдэлээтилэр уонна күрэххэ үрдүк ситиһиилэри баҕардылар.
Тэрээһини “Сээдьэ” күрэх аста. Хас биирдии хамаанда манна бэрт үчүгэй бэлэмнээҕин көрдөрдө. Эдэр ыччат өбүгэлэрин үгэстэрин умнубатаҕа билиннэ. Ол курдук, чуор куоластаахтарынан Бороҕон түмсүүтүн эдэр ыччата ааттанна.
Иккис түһүмэҕинэн ураһа көрүүтэ буолла. Хамаандалар ураһалара көрүөххэ олус үчүгэй. Ол курдук, бороҕоттор бу да сырыыга бастыҥ ураһа түһүлгэлээхтэринэн барыларыттан чорбойдулар.
Бу кэннэ спортивнай күрэхтэр саҕаланнылар. Саанан сыал ытыыга хас биирдии хамаандаттан биир кыыс, биир уол тахсан ыттылар. Уолаттарга бастыҥ ытааччынан Бороҕонтон Сысолятин Тимофей буолла, кыргыттарга – Слепцова Мария.
Улуус эдэр ыччатын күүһүн холоон көрөөрү 24 гиирэ көтөҕүүтүн күрэҕэ буолла. Бу күрэххэ Быыкап ыччата Вадим Моисеев утарылаһааччыларыттан кыайыыны туура тутан ылла.
Хомуур хапсаҕай. Бу көрүҥҥэ ким имигэс, ким түргэн ол көрүлээтэ, күннээтэ. Уолаттар күүстээхтэрин, эрчимнээхтэрин көрдөрдүлэр. Киирсии, бырахсыы кытаанаҕа буолла. Тиксии хамаандатын уолаттара бу да сырыыга үчүгэй хапсаҕайдаах тустууну көрдөрөн, маҥнайгы нүөмэр буоллулар. Хапсаҕай кыттаачылара: Жаргал Токтохоев, Иван Селиванов, Денис Абрамкин, Спиридон Бочаров, Василий Соловьев, Валентин Ачикасов.
Бүтэһик түһүмэҕинэн канаат тардыһыыта. Хамаандалар бары ууларыгар-хаардарыгар киирэн, кыайыы иһин түһүнэн кэбистилэр. Улахан сыралаах, эрийсии-бурайсыы кэннэ, кыайыыны Бороҕон эдэр ыччатын түмсүүтүн хамаандата ылыан ылла: Анна Корякина, Евдокия Бурцева, Анна Винокурова, Семен Иванов, Тимофей Сысолятин, Николай Стручков.
Тыҥааһыннаах түһүмэхтэр кэннилэриттэн Тиксии ыччата кыайыы өрөгөйүн билэн, кыайыылаах таҕыста. Бу күн сиккиэр салгыннаах, ыраас халлаан туран биэрдэ.
Быыкап эдэр ыччатын "Дельта" түмсүү лидерэ Иван Лукашенко: “Форум организовали очень хорошо. Все соревнования очень понравились, команда довольна. По моему мнению, до первого места нам чуть-чуть не хватило. Мы усердно готовились, много работали. В свободное время всегда играли в волейбол, а по гиревому спорту Вадим Моисеев всегда и постоянно занимается, это его любимый вид спорта. Желаю молодым людям, чтобы современная молодежь активно принимала участие во всех мероприятиях, чтобы не были пассивными, работали на благо района, республики, страны. Всем удачи и успехов в личной жизни. До новых встреч!”
Харысхан ПОПОВ
Фото автора
Ещё по теме:
2017-12-10
Глава Республики Саха (Якутия) Егор Борисов вместе с супругой Прасковьей Петровной посетил многодетную семью Гладких в поселке Мохсоголлох Хангаласского улуса и поздравил их с новосельем.2017-12-09
Путин назвал отстранение России от Олимпиады срежиссированным2017-05-02
Эйэ, үлэ, МААЙ: Тиксии олохтоохторо Маайдааҕы хаамыыга таҕыстылар2017-05-02
На Первомайский парад вышли более 500 тиксинцев2017-04-25
Булуҥ ыччата кэскили түстүүргэ бэлэм
Комментарии