Регистрация
Статья
Аҕа Дойдуну көмүскүүр биһиги чиэспит
2017-04-110247Дойдуга сулууспалыыр - сибэтиэй дьыалаУлуус дьаһалтатын дьиэтигэр муус устар 7 күнүгэр призывник уолаттары кытта кэпсэтии буолан ааста. Уолаттарга сүбэ-ама биэрэ, аармыйа туһунан кэпсии улус баһылыга Игорь Кудряшов, Тиксиитээҕи байыаннай чаастан сулууспаларын ааһа сылдьар үс эдэр киһи, полиция участковайа Григорий Голубев уонна военкомат үлэһиттэрэ кэлбиттэр.
Тэрээһиҥҥэ аармыйа кэккэтигэр бараары сылдьар уолаттары кытта Тиксиитээҕи 1-кы нүөмэрдээх оскуола улахан кылааһын үөрэнээччилэрэ эмиэ бааллар. Улуус баһылыга Игорь Кудряшов бэйэтэ аармыйаҕа хайдах сулууспалаабытын туһунан быһа тардан кэпсээтэ. Түмүгэр “Сулууспалыы барар баҕалааххыт дуо?” ,– диэн ыйыппытыгар, сорохтор: “Суох”, – диэн аһаҕастык билиннилэр. Онуоха улуус баһылыга уолаттарга туһаайан, ханнык баҕарар түгэҥҥэ киһи дойдутун иннигэр бэриниилээх, Ийэ дойдуну харыстыырга, көмүскүүргэ куруук бэлэм буолуохтаахтарын, ол инниттэн сулууспалаан үөрэниэхтээхтэрин тоһоҕолоон бэлиэтээтэ. Игорь Владиславович аармыйаҕа киһиттэн бэйэтиттэн наһаа элбэх тутулуктааҕын, сиэрдээхтик сылдьан, куһаҕан сабыдыалга киирэн биэрбэттэригэр сүбэлээтэ.
Участковай Григорий Николаевич бэрээдэк, аармыйаттан куотунар уолаттары туох кэтэһэрин, ханнык сокуоннар баалларын уонна туох эппиэтинэскэ тардыллыахтарын сөбүн туһунан билиһиннэрдэ. “Хаһан да аармыйаттан куотунумаҥ. Үчүгэй байыаннай сулууспаны баҕарабын”, – диэтэ кини.
Онтон сулууспа ааһа сылдьар уолаттар бэйэлэрин санааларын үллэһиннилэр уонна аармыйа олоҕо хайдаҕын кэпсээтилэр. “Тугу да гыммакка, сөптөөх үлэтэ суох буоллаххытына, мээнэ онон-манан дьарыктаммакка, аармыйаҕа бараргытыгар ыҥырабыт. Саамай кылаабынайа дьиссипилиинэни тутустаххытына уонна эппиэтинэстээх буоллаххытына кыһалҕаны көрсүөххүт суоҕа”, – диэтилэр. Салгыы эпписиэрдэр тугу эппиттэрин түргэнник толоруохха наадатын, өйдөөбөтөхтөрүн кыбыстыбакка тута ыйыталларыгар сүбэлээтилэр.
Аармыйа олоҕо диэн хас биирдии киһиттэн, кини иитиититтэн, олоххо сыһыаныттан, төрөөбүт дойдутун, дьонун-сэргэтин төһө таптыырыттан олус тутулуктааҕын мустубут дьон эттилэр. Билигин бэйэтэ сулууспалыы сылдьар Тиксии бөһүөлэгин уола бииргэ улааппыт доҕотторун кини кэккэтин хаҥаталларыгар ыҥырда.
Булуҥ уонна Эдьигээн улуустарын байыаннай комиссара Россияҕа сулууспаны ааһыыга 30 саастарыгар диэри хабыллалларын, саҥа сокуон киирээри турарын туһунан бэлиэтээн эттэ.
Бу тэрээһиҥҥэ доруобуйаларын туругунан сатаан барбакка сылдьар уолаттар эмиэ кэлэн кыттыыны ыллылар. Кинилэр санааларын түһэрбэккэ аармыйаҕа барар баҕа санаалаахтарын иһитиннэрбиттэрэ атыттарга холобур курдук буолуон сөп.
Онон түмүккэ “Дойдуга сулууспалыыр – сибэтиэй дьыала” диэн этиинэн сиэттэрэн, этэҥҥэ сулууспалаан кэлэллэригэр алгыс этилиннэ.
Харысхан ПОПОВ
Фото автора
Ещё по теме:
2018-12-10
Студенты-якутяне примут участие в молодежных Дельфийских играх РоссииСтуденты Северо-Восточного федерального университета им. М.К. Аммосова примут участие в Дельфийских играх России в конкурсе номинаций «Визуализация и презентация научного исследования».2018-12-09
Алексей Стручков провел совещание по рассмотрению проекта Социально-экономического развития РС (Я) до 2032 года2018-10-31
Виртуальная жалоба поможет решить реальную проблему через сайт «Наша Якутия»2018-10-31
Вопросы работы с обращениями граждан – на контроле Управления Президента РФ по работе с обращениями граждан и организаций2018-10-31
Вера Душкевич: "Общественники готовы поддержать приоритетные проекты республики"