Регистрация
Статья
Сөбүлүүр артыыстарбытын испиктээкилгэ көрдүбүт
2017-03-0401030КултуураП.А. Ойуунускай аатынан Саха академическэй театрын артыыстара бу күннэргэ Булуҥ сиригэр-уотугар кэлэн, номнуо Таймылыыр уонна Быыкап, ону тэҥэ Тиксии олохтоохторугар испиктээкиллэри көрдөрдүлэр.
Бу сылга Саха академическэй театрын үлэһиттэрэ үс бөлөҕүнэн арахсан улуустарынан үлэлииллэр-хамсыыллар. Ол курдук, артыыс идэлээх дьон Бүлүү, Амма уонна Булуҥ улуустарынан гастроллуу сылдьаллар.
Кулун тутар 2 күнүгэр "Айхал" сынньанар кииҥҥэ Саха сирин артыыстара нуучча норуотун суруйааччыта А.П. Чехов "Юбилей" уонна Н.А. Лугинов айымньыларыгар "Предложение" испиктээкиллэри оонньоон, нэһилиэнньэ биһирэбилин ылыахтарын ыллылар. Нэдиэлэ ортото диэтэххэ, Тиксии олохтоохторо аатырбыт артыыстары көрө-истэ саалаҕа толору тоҕуоруһа мустубуттар. Булуҥ улууһун нэһилиэнньэтэ бэйэлэрин кыыстарын, Ильяна Павлованы, хайдах курдук үчүгэй артыыска тахсыбытын көрөн, киэҥ тутта астыннаҕа.
Биһиги, саха норуотун омуга, дьиппиэ майгылаах омук быһыытынан биллэрбит да иһин, артыыстар оруолларыгар киирэн, дьоруойдарын эмоцияларын дьоҥҥо тиэрдэн, сорох дьон бэйэтин туттуммакка, харахтарыттан уу кэлиэр диэри «быардарын тарбаатылар».
Артыыс үлэтин эйгэтигэр испиктээкилгэ оонньооһун көрүҥэ, киинэҕэ уһуллардааҕар быдан уустугунан биллэр. Дьиҥнээх айылҕаттан талааннаах, онно эбии артыыс үөрэхтээх дьон итэҕитиилээхтик оонньуур.
Бу буолан ааспыт, бэрт сэргэх испиктээкиллэри Алдан Готовцев, Айталина Лавернова, Прокопий Данилов, Изабелла Николаева, Геннадий Турантаев, Айсен Лугинов, Ильяна Павлова, Вячеслав Лавернов уонна Альберт Алексеев оонньоон көрдөрдүлэр.
Бэлиэтээн эттэххэ, кулун тутар маҥнайгы күнүгэр “Чыҥыс-хаан ыйааҕынан” диэн үс чаастаах улахан кинигэни суруйбут суруйааччыбыт Н.А. Лугинов “Кустук” испиктээкилин оонньоон көрдөрбүттэр.
Салҕыы бөлөх Күһүүргэ уонна Хара-Уулаахха айанныаҕа.
Саха сирин култууратын туйгуна, бөлөх салайааччыта Макаров Петр Тимофеевич кэлбит дьону кэлэн иһэр Аан дойду дьахталларын күнэ чугаһаабытынан эҕэрдэлээн, дьоро киэһэни түмүктээтэ.
Кулун тутар 8-9 күннэригэр Тиксии бөһүөлэгэр ырыа-тойук аргыстаах кэнсиэр уонна Сахабыт сирин биллиилээх улуу киһитэ А.И. Софронов-Алампа айымньытыгар "Олох дьэбэрэтэ" испиктээкил буолара күүтүллэр.
Харысхан ПОПОВ
Ульяна Попова хаартыскаҕа түһэриитэ
Ещё по теме:
2020-07-08
Якутян приглашают принять участие в онлайн-концерте, посвящённом поэту Евгению Евтушенко2020-04-15
Железные дороги Якутии объявили литературный конкурс «Моя судьба – железная дорога»2020-02-12
Нацпроект «Культура» помог оснастить культурные центры и школы Якутии новым оборудованием2020-02-11
«Гордость Якутии»: Продолжается сбор заявок в номинации «Лидер молодежной организации»2019-10-09
Нерюнгринские «Хранители легенд» установили памятник Григорию Федосееву на Становом хребте